Aniq va ijtimoiy fanlar universiteti haqida

Aniq va ijtimoiy fanlar universiteti – bu 2022-yilda tashkil etilgan zamonaviy oliy ta’lim muassasasi bo‘lib, asosiy maqsadi yangi bilimlar yaratish va ularni jamiyat bilan baham ko‘rishdir. Universitetimizda talabalarni faqat bilim bilan emas, balki tanqidiy fikrlash, mustaqil o‘rganish va jamiyatda faol ishtirok etishga tayyorlashga katta e’tibor qaratiladi. Hozirda biz o‘zbek, rus va ingliz tillarida 20 dan ortiq bakalavriat hamda 15 dan ortiq magistratura ta’lim dasturlari orqali keng qamrovli va zamonaviy ta’limni taqdim etmoqdamiz.

Ilmiy izlanishlar va amaliyotning uyg‘unlashuvi universitetimizning asosiy tamoyillaridan biri hisoblanadi. Biz talabalarni nafaqat nazariy bilimga, balki real dunyo muammolarini hal qilishga ham tayyorlaymiz.

Universitetimizning asosiy boyligi – bu yuqori malakali professor-o‘qituvchilar jamoasidir. Ular o‘z sohalarida yetakchi mutaxassislar bo‘lib, nafaqat dars berish, balki ilmiy tadqiqotlar olib borish, talabalarni innovatsion fikrlashga undash va ularni zamonaviy kasb-hunarlar bilan tanishtirishga katta hissa qo‘shadi.

Shu sababli, talabalarimiz dunyo standartlariga mos, raqobatbardosh bilim va ko‘nikmalarni egallash imkoniga ega bo‘ladi. Universitetda ochiq fikr almashish, yangi g‘oyalar yaratish va erkin munozaralar madaniyati rivojlanmoqda. Bu muhit har bir talabaga o‘z salohiyatini to‘liq ochish va kelajakda yetakchi mutaxassis hamda jamiyat faol fuqarosi bo‘lish imkonini beradi.

AIFU erkin fikr almashish va samarali muloqotni qo‘llab-quvvatlash

Kashfiyot va o‘rganish doimo yangi g‘oyalar va ochiq muhokamani talab qiladi. Biz AIFUda izlanuvchan munozaralarni rivojlantirishga, bir-birimizni hurmat bilan tinglashga va universitetimiz hamjamiyatida o‘qish va o‘rganish erkinligini ta’minlashga intilamiz. Bu – hech qanday cheklovlarsiz bilim olish, eski qarashlarga yoki yangi yangiliklarga erkin munosabat bildirish va fikrlarni ochiq ifoda etish erkinligini anglatadi.

Innovatsiyalar asosida olib boriladigan fanlararo ilmiy izlanishlar

Aniq va ijtimoiy fanlar universitetining o‘ziga xosligi — bu keng qamrovli va jonli fanlararo tadqiqotlar muhitidir. Universitetimizda turli fakultetlar va ilmiy markazlar birgalikda faol hamkorlik qilib, yangi innovatsion yutuqlarni yaratishga keng imkoniyatlar yaratmoqda. Ushbu integratsiyalashgan yondashuv orqali biz dolzarb ijtimoiy, iqtisodiy va texnologik muammolarni hal etishga qaratilgan samarali va ilg‘or yechimlarni ishlab chiqamiz.

Turli talablarga mos moliyaviy yordam

Aniq va ijtimoiy fanlar universiteti (AIFU) talabalarning o‘qishdagi muvaffaqiyatlarini qo‘llab-quvvatlash va ularning moliyaviy yukini yengillashtirish maqsadida turli moliyaviy yordam shakllarini taqdim etadi. Ijtimoiy yordam dasturlari - qiyin moliyaviy sharoitga ega bo‘lgan talabalar uchun qo‘shimcha moddiy yordam va maslahat xizmatlari ko‘rsatiladi. talabalar akademik ko‘rsatkichlari, grant va stipendiyalar uchun qo‘llab-quvvatlash, ta’lim to‘lovidan imtiyozlar va stipendiyalar - talabalar akademik ko‘rsatkichlari, ijtimoiy holati yoki sport va ijodiy faoliyatdagi yutuqlariga qarab ta’lim to‘lovidan qisman yoki to‘liq ozod qilinishi mumkin. Shuningdek, yillik yoki semestrlik stipendiyalar beriladi.

O‘quv jarayoni uchun zarur infratuzilma va texnik vositalardan foydalanish imkoniyati

AIFU zamonaviy o‘quv binolari va jihozlari bilan ta’minlangan bo‘lib, talabalar va o‘qituvchilarga samarali ta’lim olish imkonini beradi. Auditoriyalar, kompyuter xonalari, kutubxona va yuqori tezlikdagi internet orqali o‘quv jarayoni uchun zarur barcha infratuzilma va texnik vositalar mavjud. Talabalar bu imkoniyatlardan foydalanib, bilimlarini chuqurlashtirish va amaliy ko‘nikmalarni oshirish imkoniga ega.