AIFU da o’tkazilgan tadbirlar
AIFU tomonidan muntazam ravishda turli xil tadbirlar o‘tkazilib kelinmoqda. Ushbu tadbirlarning asosiy maqsadi — universitet xodimlari va talabalarining ilmiy salohiyatini oshirish, ma’naviy-ma’rifiy dunyoqarashini boyitish hamda ularning bo‘sh vaqtlarini foydali va mazmunli tashkil etishdir. Tadbirlar doirasida ilmiy seminarlar, ijodiy uchrashuvlar, madaniy kechalar, sport musobaqalari va turli to‘garaklar faoliyati yo‘lga qo‘yilgan. Bu kabi tashabbuslar orqali AIFU o‘z talabalari va jamoasining har tomonlama yetuk va faol shaxslar bo‘lib shakllanishiga ko‘maklashmoqda. Shuningdek, bunday tadbirlar talabalar o‘rtasida ijtimoiy faollikni oshirish, o‘z salohiyatini namoyon qilish imkonini yaratish, shuningdek, jamoada hamkorlikda ishlash ko‘nikmalarini shakllantirishga xizmat qilmoqda.
Ma’naviy ma’rifiy tadbirlar
Aniq va ijtimoiy fanlar universiteti (AIFU) ilmiy faoliyatni rivojlantirish, akademik hamkorlikni kengaytirish va talaba hamda tadqiqotchilarni yangi izlanishlarga ruhlantirish maqsadida respublika va xalqaro darajadagi ilmiy konferensiyalar hamda seminarlarni muntazam tashkil etib keladi.
Sport tadbirlari
Aniq va Ijtimoiy fanlar universitetida sport tadbirlari talabalarning sog‘lom turmush tarzini shakllantirish, jamoaviylik va raqobatbardoshlikni rivojlantirishda muhim rol o‘ynaydi. Muntazam tashkil etiladigan sport musobaqalari orqali talabalar jismoniy faollik bilan birga, sog‘lom hayotga intilishlari rag‘batlantiriladi.